நிலங்கள்_பற்றி_சில_தகவல்கள்

#நிலங்கள்_பற்றி_சில_தகவல்கள்

♦♦வகைகள்

**நஞ்சை

**புஞ்சை

**கிராம நத்தம்

**நத்தம் புறம்போக்கு

**நீர்நிலை புறம்போக்கு

**மேய்ச்சல் புறம்போக்கு

**அனாதீனம்

**மயானம் புறம்போக்கு

**வண்டிப்பாதை புறம்போக்கு

**களத்துமேடு

**கோவில் நிலம் 

♦பசலி :-

கிராமக் கணக்குகள் பராமரிக்கப்படும் முறை பசலி ஆண்டு என அழைக்கப்படுகிறது. 

♦ஜமாபந்தி / வருவாய் தீர்ப்பாயம் :-

அரசாங்கத்திற்குச் சேர வேண்டிய 

வரி வசூல், நிலுவை, 

வசூலான தொகைகள் சரியான கணக்குகளில் வரவு வைக்கப்படும் விபரம் 

போன்ற சகல விசயங்களையும் தெரிந்து கொள்ளவும், சரி பார்க்கவும் அரசாங்கத்தால் நியமிக்கப்படும் ஜமாபந்தி அதிகாரி / வருவாய் தீர்ப்பாய அதிகாரி கிராமக் கணக்குப் பதிவேடுகள் அனைத்தையும் தணிக்கை செய்வதே ஜமாபந்தி ஆகும். 

♦வஜா / ரத்து :-

பருவநிலை மாறுபாடுகள் / கனமழை / வெள்ளம் / மழையின்மை / வறட்சி போன்ற காரணிகளால் பயிர்கள் சேதமாகும் போது அரசாங்கம் அந்த ஆண்டிற்கான நிலத்தீர்வையை வஜா/ ரத்து செய்து உத்தரவிடலாம்.

நிலஉரிமையாளர்களின் கவனக்குறைவினால் ஏற்படும் சேதாரங்களுக்கு இது பொருந்தாது. 

♦ஜமீன் முறை :-

மன்னர் காலத்தில் நிலவரி போன்றவற்றை வசூல் செய்ய இடைத்தரகர்கள் ஏற்படுத்தப்பட்டனர். அவர்களுக்கு ஜமீன்தாரர் என்று பெயர். 

♦ஆயக்கட்டு:-

ஒரு பாசன ஆதாரத்திலிருந்து ( ஆறு/குளம்/கால்வாய்)

நீர் பெற பதிவு செய்யப்படும் நிலம். 

♦மகசூல்-விளைச்சல்

♦நன்செய்/நஞ்சை:-

         பாசன வசதி கொண்ட நிலம்

♦புன்செய்/புஞ்சை :-

          பாசன வசதி குறைந்த நிலம்/

          மழையை நம்பி விவசாயம்      

          நடைபெறும் நிலம் 

♦கிராம தானம் :-

          ஒரு கிராமத்தில் பொது பயன்பாட்டுக்காக (சத்திரங்கள்/சுகாதார மையம் போன்றவற்றிற்கு)

நிலத்தை ஒதுக்குவது கிராம தானமாகும். 

♦பட்டா:-

           குறிப்பிட்ட ஒரு நிலமோ அல்லது காலிமனையோ யாருடைய பெயரில் உள்ளது என்பதைக் குறிக்கும் வகையில் வருவாய்த் துறையால் வழங்கப்படும் ஆவணம். 

♦சிட்டா:-

            ஒரு கிராமத்தில் ஒரு உரிமையாளரின் பயன்பாட்டில் உள்ள சொத்துக்களின் விவரங்கள் அடங்கிய ஆவணம். 

♦அடங்கல்:-

             ஒரு குறிப்பிட்ட நிலத்தின் பரப்பு/சர்வே எண்/பயன்பாடு/இடத்தின் அமைவிடம் போன்ற விவரங்கள் அடங்கிய ஆவணம். 

♦புல எண் :-

              சர்வே எண்/நில அளவை எண் 

♦விஸ்தீரணம் :- பரப்பளவு 

♦சுவாதீனம் :- 

             நிலத்தின் மீதான உரிமை 

♦நத்தம் புறம்போக்கு :-

              அரசுக்குச் சொந்தமான இடம் (தனிநபர் பயன்பாட்டில் இருந்த நிலம், குறிப்பிட்ட ஆண்டுகளாக வரி செலுத்தாவிடில் அந்த நிலம் புறம்போக்கு என அறிவிக்கப்பட்டு அரசு நிலமாகப் பதிவு செய்யப்படுவது. 

♦கிராம நத்தம் :-

                 ஒவ்வொரு கிராமத்திலும் குடியிருப்புப் பகுதிக்காக ஒதுக்கப்பட்ட நிலம். 

♦அனுபோகம் :-

             பாத்தியதை/உரிமை